Ótrúlegasti draumur....

Kæru bloggvinir,

Ég er eins og unnusti minn...blogga ekki reglulega en blogga þó smávegis ;)

Í nótt dreymdi mig hinn ótrúlegasta draum.

Mig dreymdi að tengdaforeldrar mínir (Rúna og Þorvaldur) voru að skiptast á hlutum. Rúna var ákaflega frek og greyið Þorvaldur gaf allt eftir. Þau áttu einhvern kofa sem honum Þorvaldi þótti afar vænt um og eyddi miklum tíma í (átti pottþétt að vera skúrinn). En hún Rúna vildi aldeilis fá kofann með sér í nýja kotið. Þorvaldur greyið gaf eftir og lét hana fá kofann!Hann meira að segja útvegaði kerru til að flytja hann.Þegar allt var farið stóð Þorvaldur þarna eftir á nærbuxunum einum fata, á meðan Rúna hló að honum og gúffaði í sig heimsins girnilegasta ís!

Við Guffi minn erum búin að hlæja okkur máttlaus yfir þessum draum og ákváðum að deila honum hérna í blogg heiminum. :)

Með kærum kveðjum,Ragnhildur og Guðfinnur